Արթիկի պետական քոլեջում բացվեց հուշատախտակ նվիրված  Արցախյան պատերազմում զոհված հերոսների հիշատակին։

Հայրենիքի պաշտպանության սուրբ գործում իրենց մասնակցությունն են ունեցել նաև քոլեջի ուսանողները, նրանցից Արամո Թորոսյանը, Հովհաննես Թութոյանը, Մեխակ Տոնոյանը, Արտակ Գասպարյանը և Սահակ Վարագյանը ցավոք տուն չեն վերադարձել:

Միջոցառմանը ներկա էին 2020 թվականի պատերազմում նահատակված հերոսների ծնողները, հարազատները, Արթիկի պետական քոլեջի շրջանավարտ զինվորականներն ու քոլեջական այն տղաները, ովքեր դեռ գտնվում են ծառայության մեջ։

Միջոցառումը յուրահատուկ ձոն էր զոհված տղաների մայրերին, քույրերին և սիրելիներին՝ բոլոր այն չասված խոսքերի ու չնվիրված ծաղիկների փոխարեն, որ էլ երբեք չեն ստանալու իրենց ամենահարազատ մարդկանցից: